കടങ്കഥകള്‍ -8
1 കൈപ്പടം പോലെ ഇല വിരിഞ്ഞു
കൈവിരല്‍ പോലെ കാ വിരിഞ്ഞുഞാനതു തിന്നുമ്പോള്‍ നീയതിന്‍റെ
പേരു പറ?
2 ചട്ടിക്കു മീതെ തട്ട്
തട്ടിനു മീതെ ഉലയ്ക്ക
ഉലയ്ക്കക്കു മീതെ പന്തല്‍
3 ചില്ലത്തുഞ്ചത്താടിത്തൂങ്ങി
പഞ്ചാരക്കിളി മേവുന്നു
4 ചെഞ്ചലയ്ക്കും ചെലചെലയ്ക്കും
വട്ടം വീശും വഴി നടയ്ക്കും
5 ചോരത്തുടിക്കുമിറച്ചിക്കഷ്ണം
പൂച്ച തൊടില്ല ഈച്ച തൊടില്ല
6 തൂങ്ങും തുടിക്കും വേഗം വലിക്കും
വലിച്ചങ്ങിരുത്തും കമഴ്ത്തിപിടിക്കും
7 തൊപ്പിയിട്ടു നീങ്ങുമ്പോള്‍
തലകുലുക്കി നീങ്ങുമ്പോള്‍
ധാരമുറിയാതെ കണ്ണിരൊഴുകും
8 പച്ചപ്പുള്ളൊരു മുരുക്കിന്‍പെട്ടി
പെട്ടിനിറച്ചു ചപ്പുംചവറും
ചപ്പിനകത്തുനിറച്ചും കുപ്പി
കുപ്പിയിലൊയ്ക്കൊരേ ഗുളിക
9 പത്തായ വയറന്‍ ശാപ്പാട്ടുരാമന്‍
പള്ളയ്ക്കടിച്ചാല്‍ കുപ്പയില്‍ വാസം
10 പാടുന്നുണ്ട് പറക്കുന്നുണ്ട്
കണ്ണില്‍ കാണാനൊക്കില്ല
